Per ride...
A canzona di u Padduccu (risposta à Ghjilormu Polverini è à a so puesia « U Padduccu »)
Nantu à l’aria di « A canzona di u Cuccu » di Maistrale è F.M. Mattei.
Quand’ellu cant’u Padduccu
Si spaventa la marina.
Duve ci era u mulinu
Hà scavat’ una piscina,
È per fà e so villà
Spianatu una cullina.
Quand’ellu cant’u Padduccu
S’avvicina lu cimentu ;
Di la vita campagnola
Sona u seppellimentu,
È per noi altri Corsi
Nasce un longu turmentu.
Quand’ellu canta lu tonu
Trema lu speculatore ;
A notte vene turchina
Da l’attrachjat’ à l’albore,
È di lu Padduccu u Corsu,
Ùn vole sente ne l’odore.
Ritiratu, lu prugettu !
Ne ride ancu lu Cuccu.
Ùn pò sbarcà Niculau
À salvà quellu Padduccu,
Nè mancu l’Americani,
Cù Obama Baracuccu !
Ghjuvan Guidu Talamoni
