Danari è amicizia

Bastia, u 1mu di lugliu 2009

« La justice humaine est d’ailleurs pour moi ce qu’il y a de plus bouffon au monde ».
Flaubert, lettera à Ernest Chevalier, 15 marzu di u 1842.

Isse parolle di u grande rumanzieru sò forse appena esagerate. Ma in certi casi…

Quantunque, quandu vo amparate chè vo site cundannatu per avè betu un vichjeru in un giardinu, fendu vi una discursata incù u guardianu à a so moglia…

Ùn vale à avè fattu studii di dirittu. Basta simpliciamente à sapè leghje u francese è à fighjà u Codice penale per vede chì delittu ùn ci hè.

È ancu senza codice, basta à avè un ciarbellu è à riflette appena.

Ma allora, cumu hè chè no simu stati cundannati, postu chì i ghjudici anu un ciarbellu, mi pare, chì elli sanu leghje, è chì u codice l’anu sottu à l’ochji ?

Cum’è a dicianu l’antichi, ancu quelli chì ùn avianu lettu i scritti di Flaubert : « À chì hà danari è amicizia, torce u nasu à a ghjustizia ».

Custì i danari ci eranu.

È a vittima (s’ellu si pò dì) avia almenu un amicu. Un amicu di quelli…

Ghjuvan Guidu Talamoni